Qostanaı oblysyndaǵy órtengen aýmaq 9 400 gektardy qurady

QOSTANAI. QazAqparat – Qostanaı oblysynyń Áýlıekól aýdanynda órt sóndirý jumystary jalǵasýda. Qazirgi tańda Amanqaraǵaı eldi mekeninde turǵyndar turyp jatqan jerlerge órt tarap, barlyq kúshter sonda jumyldyryldy.

QR Tótenshe jaǵdaılar mınıstri ıÝrıı Ilın «QazAqparat» tilshisine oqıǵa ornynda ne bolyp jatqany týraly aıtyp berdi.

«Órtti sóndirý jumystary jalǵasyp jatyr. Jaǵdaı ásirese Amanqaraǵaı eldi mekeninde kúrdeli. Onda 60 úı órtengen, qazirgi tańda olardy sóndirý jumystary júrip jatyr. Órt joǵary jaqtan tarap, adamdar turyp jatqan aımaqty jalyn sharpyǵan. Qazir órt sóndirilip jatyr. Sondaı-aq ormannyń órtengen jerlerine jaqyn turatyn Lesnoe aýylynda 60 úı bar. Aýyldan adamdardy kóshirip jatyrmyz»,-dedi mınıstr.

Amanqaraǵaı aýylyndaǵy turǵyn úılerden 1000 adam evakýatsııalandy. Evakýatsııalanǵan adamdar Áýlıekól orta mektebi men mektep-ınternatyna ornalastyrylyp jatyr. Olarǵa tamaq beriledi.

Órtengen aýmaqtyń kólemi 9 400 gektardy qurap otyr.