Qostanaı oblysyndaǵy órt agroónerkásip keshenine aıtarlyqtaı zııan keltirgen joq - QR AShM

NUR-SULTAN. QazAqparat - 2022 jyldyń 4 qyrkúıegindegi sońǵy málimetter boıynsha Qostanaı oblysyndaǵy órt saldarynan Qarasý aýdanynyń Lıýblınka aýylynda jáne Áýlıekól aýdanynyń Amanqaraǵaı aýylynda 12 bas ІQM, 118 bas shoshqa jáne 261 bas qus qyryldy.

Aqparatty QR Aýyl sharýashylyǵy mınıstrligi Veterınarııalyq baqylaý jáne qadaǵalaý komıtetiniń aýmaqtyq ınspektsııalary jáne oblystyń Aýyl sharýashylyǵy basqarmasy usyndy.

Qostanaı oblysy ákimdiginiń jáne QR TJM aqparaty boıynsha orman órtiniń saldarynan azyn-aýlaq aýyl sharýashylyǵy daqyldarynyń zardap shekken egistik ýchaskeleri bar. Biraq, alqaptar jappaı joıylǵan joq. Atap aıtqanda, Qarabalyq aýdanynda 17 ga egin órtendi. Meńdiqara aýdanynda 1 ga dándi daqyldar zardap zaqym keldi. Órtengen daqyldyń kólemi naqtylanyp jatyr.

Aıta keteıik, óńirdegi jalpy egis alqaby 5,3 mln ga-dy quraıdy, onyń ishinde dándi jáne dándi-burshaqty daqyldar 3,9 mln ga, bıdaı 3,5 mln ga jáne maıly daqyldar 749,1 myń ga.

Sondaı-aq, óńir ákimdiginiń jedel málimetteri boıynsha, bıylǵy jyldyń 3 qyrkúıegine deıin 1,8 mln ga nemese egis alańynyń 45,3%, 1,8 mln tonna dándi jáne dándi-burshaqty daqyldar jınaldy.