Qostanaı oblysyndaǵy orman órti tabıǵı apat emes - Serikqalı Brekeshev

ASTANA. QazAqparat – Qostanaı oblysynda bolǵan orman órti tabıǵı emes. Bul týraly QR Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy QazAqparat tilshisi.

«Qostanaı oblysyndaǵy sońǵy órt týraly aıtar bolsam, bastapqyda jalpy aýdany 43,8 myń gektar degenbiz. Biraq eseptegen kezde sý nysnadary men aýyl sharýashylyǵy jerleri alyp tastaǵanda shamamen 40 myń gektar boldy. 35 myń gektarǵa jýyq orman alqaby órtten zardap shekti», - dedi Serikqalı Brekeshev Ortalyq kommýnıkatsııalar qyzmetindegi baspasóz máslıhatynda.

Mınıstrdiń aıtýynsha, eki komıssııa osy órtten bolǵan zalaldy esepteý jumysyn júrgizgen.

«Búgingi tańda aldyn ala derekter bar. Órtten kelgen tikeleı zalal shamamen 4 mlrd teńgeni qurady. Órttiń sebebine keler bolsaq, qazir bizben jumys istegen komıssııa jáne vedomstvoaralyq komıssııa ázirshe tabıǵı órt emes degen nusqaǵa súıenip otyr. Komıssııa muny qylmystyq is aıasynda tergeýde. Menińshe, jaqyn arada órttiń naqty sebebi anyqtalady», - dedi ol.

Eske salsaq, buǵan deıin T ótenshe jaǵdaılar mınıstri ıÝrıı Ilın Qostanaıdaǵy ó rt qasaqana adam qolynan boldy degen nusqany joqqa shyǵarmaıtyny týraly aıtty. Sonymen qatar Qostanaı oblysyndaǵy orman órtterine baılanysty «Basaman orman sharýashylyǵy mekemesiniń» basshysy qamaýǵa alynyp, ústinen qylmystyq is qozǵaldy.