Qostanaı oblysyndaǵy monoqalalardy damytýǵa 10 mlrd teńge bólinedi
QR Parlamenti Májilisiniń depýtattary Irına Aronova, Gúlnár Bıjanova, Murat Temirjanov, Jámılá Nurmanbetova, Aıgúl Nurkına astyqty aımaqtaǵy jumys sapary barysynda oblys aktıvimen kezdesti. Depýtattar Elbasynyń bastamasymen júzege asyp jatqan «Baqytty otbasy», «Qutty meken», «Aýyl - el besigi», «Halyqqa kómek» jobalarynyń mán-mazmunyn túsindirip, óńirdegi júzege asyrylý deńgeıimen tanysty.
Jıynda belgili bolǵandaı, Qostanaı oblysyndaǵy monoqalalardy damytýǵa 10 mlrd teńge bólinedi. Arqalyq, Lısakovsk, Rýdnyı jáne Jitiqara qalalary Ulttyq ekonomıka mınıstrligi tarapynan qarjylandyrylmaq.
«Jyl saıyn ár monoqalaǵa 10 mlrd teńge - bul barynsha qomaqty soma. Tek osy qarajattyǵń qanshalyqty tıimdi jumsalatyndyǵy mańyzdy. Jańa kásiporyndar qurylysy, jumys oryndaryn ashý, bıznes-jobalardy qarjylandyrý tetikterin retteý jergilikti atqarýshy organdarǵa ǵana baılanysty», - deıdi depýtat Gúlnár Bıjanova.
Sonymen qatar, Lısakovsk pen Rýdnyıdaǵy jylý magıstralyn qaıta qurýǵa 500 mln teńge qarastyrylyp otyr. Ary qaraı depýtattar qaladaǵy óndiris oryndaryn aralady.
