Qostanaı oblysyndaǵy kóp qabatty turǵyn úıdiń balkony opyrylyp tústi
ASTANA. QazAqparat - Qostanaı oblysy Qarabalyq kentinde kóp qabatty úıdiń balkony opyrylyp tústi, dep habarlaıdy «Alau» portaly.
Qarabalyq kentiniń ákimi Qanat Sákenovtiń habarlaýynsha, Tıtov kóshesindegi eki qabatty úıdiń balkony opyrylǵan. Bul úı 1980 jyly salynǵan. Qurylys jumystary batpaqty jerde júrgizilgen. Úıde 32 adam tirshilik keship jatyr.
«Ár kóktemde bul úıdiń jertólesin sý basady. Bul joly da jer asty sýy jyryp ótken. Balkon opyrylǵan kezde qýanyshqa oraı, onda eshkim bolmaǵan. Eshkim zardap shekken joq. Ary qaraı balkondy bólshekteý kerek boldy. Apatty jedel túrde joıdy. Adamdar evakýatsııalandy», - dedi Qarabalyq kentiniń ákimi Qanat Sákenov.
Úıden jedel túrden 16 adam, sonyń ishinde eki bala shyǵaryldy. Oqıǵa ornynda energetıkter, gazshylar jumys istedi. TJ qyzmetiniń deregi boıynsha, ǵımarattyń opyrylý qaýpi joq.
