Qostanaı oblysyndaǵy «Qaıraq» ótkizý pýnktinde keptelis týyndaýy múmkin - UQK

ASTANA. QazAqparat – Qostanaı oblysyndaǵy «Qaıraq» ótkizý pýnktinde keptelis týyndaýy múmkin, dep habarlaıdy QazAqparat Ulttyq qaýipsizdik qyzmetine silteme jasap.

«27 shilde men 25 tamyz aralyǵynda Qazaqstan Respýblıkasynyń «Qaıraq» ótkizý pýnktine qarama-qarsy Reseı Federatsııasynyń «Býgrıstoe» avtokóliktik ótkizý pýnktinde jol tósemin jóndeý jumystaryn júrgizý josparlanyp otyr. Osy rette, kólik quraldarynyń qozǵalysy qıyndap, saldarynan baqylaý protsedýralarynyń ýaqyty uzarýy múmkin», - delingen resmı málimdemede.

Osy oraıda, qozǵalys baǵyttaryn aldyn ala josparlaý usynylady. Qostanaı oblysy arqyly memlekettik shekarany kesip ótý úshin kelesi ótkizý pýnkterin qarastyrýǵa bolady:

- «Aqbalshyq» avto (QR) – «Voskresenskoe» avto (RF);

- «Obaǵan» avto (QR) – «Zverınogolovskoe» (RF)

- «Jelqýar» (QR) – «Marıınskıı» (RF)

- «Aıat» (QR) – «Nıkolaevka» (RF)

- «Qondybaı» (QR) – «Komsomolskıı» (RF).