Qostanaı oblysyndaǵy Qashar karerinde kólik júrgizýshi mert boldy

QOSTANAI. QazAqparat – 16 qarashada Qostanaı oblysyndaǵy Qashar karerinde kólik júrgizýshisiniń máıiti tabyldy. Bul týraly QazAqparat tilshisi «Sokolov-Sarybaı ken-baıytý óndiristik birlestigi» AQ resmı paraqshasyna silteme jasap habarlaıdy.

«16 qarasha kúni Qashar karerinde jazataıym oqıǵa boldy. 1960 jyly týǵan kólik júrgizýshisi óli tabyldy. Atalǵan oqıǵa boıynsha tergeý júrip jatyr» delingen kásiporynnyń áleýmettik jelidegi paraqshasynda jarııalanǵan baspasóz habarlamasynda.

Málimetke sáıkes, kásiporyn qaza tapqan qyzmetkerdiń otbasyna qajetti kómek kórsetedi.

Buǵan deıin habarlaǵanymyzdaı, jyl basynan beri Qostanaı oblysy kásiporyndarynda 60 jazataıym oqıǵa tirkelip, 8 adam kóz jumǵan.

Al 23 qyzmetker aýyr jaraqat alǵan.