Qostanaı oblysyndaǵy iri órt: Úılerge sý qubyryn tartýǵa 2,5 mlrd teńge bólindi

QOSTANAI. QazAqparat – Alapat órt saldarynan zalal kelgen Qostanaı oblysynyń Amanqaraı aýylyndaǵy úıler sý qubyryna qarasha aıynyń sońyna deıin qosylady. Bul týraly óńir ákimi Arhımed Muhambetov óziniń áleýmettik jelidegi resmı paraqshasynda jazdy, dep habarlaıdy QazAqparat tilshisi.

«Amanqaraǵaı aýylyndaǵy sý qubyrynyń qurylysyn qaradym. Sý qubyryn salýǵa 2,5 mlrd teńge bólindi. Búgingi tańda qurylys-montaj jumystary aıaqtaldy. Ortalyq sý qubyryna 367 abonent, onyń ishinde áleýmettik nysandar da qosyldy. Qalǵan abonentter aǵymdaǵy jyldyń qarasha aıynyń sońyna deıin qosylady», - dep jazdy oblys ákimi Іnstagram-paraqshasynda.

Eske sala keteıik, Qostanaı oblysy Áýlıekól aýdanynda bolǵan órtten ormanǵa kelgen zardaptyń saldaryn joıý úshin aǵash otyrǵyzý jumystary bastaldy. Josparǵa saı, bıyl Áýlıekól-Qostanaı tasjolynda qaıyń jáne qaraǵaı egiledi.

Foto: soupstock.in