Qostanaı oblysyndaǵy iri kólik apatynan bir adam kóz jumyp, jeteýi jaralandy
QOSTANAI. QazAqparat – Qostanaı oblysynda eki kólik soqtyǵysyp, birneshe adam zardap shekti, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
«11 naýryz kúni saǵat 16.30 shamasynda Qostanaı-Áýlıekól-Surǵan tasjolynda iri jol apaty boldy. 34 jastaǵy er adam mingen «Vaz-21124» kóligi joldyń qarsy betinde kele jatqan «Nissan Primera» kóligimen soqtyǵysqan. Oqıǵa saldarynan «Vaz-21124» kóliginiń 59 jastaǵy jolaýshysy kóz jumdy. Kólikterdegi qalǵan 7 adam túrli dene jaraqattarymen aýrýhanaǵa jetkizildi», - delingen polıtsııanyń aqparatynda.
Qazir osy derek boıynsha sotaldy tergeý sharalary bastaldy. Jyl basynan beri óńirde 54 jol-kólik oqıǵasy bolyp, 9 adam kóz jumǵan. Polıtseıler kóktem ýaqytynda jolda barynsha saq bolýdy eskertedi.
