Qostanaı oblysyndaǵy ekonomıkalyq damýy oń serpinde ilgeriledi - Arhımed Muhambetov
NUR-SULTAN. QazAqparat – Qostanaı oblysynda negizgi makroekonomıkalyq kórsetkishter oń dınamıkaǵa ıe. Bul týraly Osy óńirdiń ákimi Arhımed Muhambetov málim etti, dep habarlaıdy QazAqparat tilshisi.
«Óńirdegi ekonomıkalyq damýy oń serpinde ilgerilep keledi. Ony ekonomıkanyń negizgi salalarynyń kórsetkishteri aıqyndap otyr. 10 aıdyń qorytyndysy boıynsha ósimge qol jetkizildi. Osy oraı da ónerkásipte ósim 8,1%, onyń ishinde óńdeý ónerkásibinde 13,5 paıyzǵa», - dedi A. Muhambetov Ortalyq kommýnıkatsııalar qyzmetinde.
Onyń aıtýynsha, negizgi kapıtalǵa salynǵan ınvestıtsııalar kólemi 11 % - ǵa artty. Munymen qosa, qurylysta – 6 paıyz, turǵyn úıdi paıdalanýǵa berý boıynsha 25,5 paıyzǵa ósim qamtamasyz etildi.
«Bólshek saýdada 5 paıyz, kóterme saýdada 4,3 paıyz ósim qamtamasyz etildi. Sondyqtan búgingi kúni jyl qorytyndysy boıynsha biz jalpy óńirlik ónimniń ósimin keminde 3 paıyz sheginde kútip otyrmyz», - dedi oblys ákim.
