Qostanaı oblysyndaǵy dala órti 46 gektardaǵy shópti kúlge aınaldyrdy
QOSTANAI. QazAqparat – Qostanaı oblysynda dala órti tutanyp, sharýa qojalyǵyn 46 gektardaǵy shópten aıyrdy, dep habarlaıdy QazAqparat tilshisi oblystyq tótenshe jaǵdaılar departamentiniń baspasóz qyzmetine silteme jasap.
Órt Naýyrzym aýdanynyń Sholaqsaı aýylynyń mańynda bolǵan.
«ıAkovleva» sharýa qojalyǵynyń shamamen 15 tonnadaı shabylǵan shóbi janyp ketti. 46 gektar aýdandy jalyn sharpyǵan. Órttiń tutaný sebebi anyqtalyp jatyr, qurban bolǵandar joq, eshkim zardap shekpegen», - delingen habarlamada.
Eske sala keteıik, Qostanaı oblysynda órt tutaný qaýpi joǵary bolyp tur.
