Qostanaı oblysyndaǵy aýylda turatyn 4 jasar qyz monolog oqıdy
ASTANA. QazAqparat - Jazıra Mustafına - oblystyq jáne respýblıkalyq mánerlep oqý baıqaýlarynyń eń jas jeńimpazy. Ol mundaı baıqaýǵa alǵash ret 4 jasynda qatysty. 20 qarasha. Jazıra Táýelsizdik Kúnine Qazaqstan Prezıdentine arnalǵan monolog oqydy.
Monolog - bir jarym myń sózden turady! Búldirshin ony qınalmaı jattady, mánerin keltirip aıtyp, úshinshi oryndy ıelendi.
Sońǵy birneshe aıda ol mektep, aýdan maqtanyshyna aınaldy. «Qostanaı daryny» óńirlik ǵylymı-praktıkalyq ortalyq ótkizgen baıqaýda júlde aldy. Oblys boıynsha - birinshi boldy. Aýyl mektebinde kishkentaı qyzǵa joǵary synyp oqýshylary da ilese almaıdy. Ol ázirge shaǵyn ortalyqqa baryp júr. Onyń tárbıeshisi Aıman Irjanova Jazıranyń ártistik qabileti bar, án aıtyp, bı bıleıtinin aıtty. «Óleń oqýdy bastap edik, onyń este saqtaý qabileti de keremet eken. Tez jattaıdy»,-dedi ustaz.
