Qostanaı oblysyndaǵy aýylda qus ósirý alańy ashyldy
QOSTANAI. QazAqparat - «Jas qanat» qus fabrıkasy Jdanov aýylynda qus ósirý alańyn ashty, dep habarlaıdy QazAqparat kostanaytany.kz saıtyna silteme jasap.
Bul alańda qustyń broıler tuqymy baǵylyp, et óndirisine den qoıylady. Investıtsııalyq nysan 40 myń bas qusqa shaqtalǵan. Joba «Agrarlyq nesıelik korporatsııa» AQ zaemdik qarajatymen júzege asyryldy. Josparly jobalyq qýattylyq boıynsha, jylyna 3 500 tonna et alynady. Munda óndiris, qus baǵý ónimderin óńdeý úshin barlyq jaǵdaı jasalǵan. Kásiporynǵa Germanııadan ákelingen sońǵy úlgidegi qurylǵylar ornatylǵan. Jańadan 87 jumys orny ashylady.
Aıta ketken jón, "Jas qanat" qus fabrıkasy broıler etin óndirýshi oblystaǵy eń iri kásiporyndardyń biri.
Eske salaıyq, "Jas qanat" qus fabrıkasy Elbasy Nursultan Nazarbaevtyń qatysýmen ótken «Qazaqstandy jańa ındýstrııalandyrý. 2015 jyl qorytyndysy» atty jalpyulttyq telekópir barysynda jańǵyrtýdyń jańa kezeńine kóshti.
Nátıjesinde qus fabrıkasyna respýblıkada balamasy joq kóp qatarly tor jabdyqtary qoıyldy. Quny 1 mlrd teńge turatyn joba aıasynda jylyna 250 mln jumyrtqa alý josparlanǵan.
