Qostanaı oblysyndaǵy aýylda iri qaradan qarasan anyqtalyp, karantın jarııalandy

QOSTANAI. QazAqparat – Qostanaı oblysy Fedorov aýdanynyń Zapasnoe aýylynda iri qara maldan qarasan aýrýy anyqtaldy. Osyǵan baılanysty óńirde karantın jarııalaý týraly Kostrıakov aýyldyq okrýginiń ákimi Svetlana Goncharýktiń tıisti buıryǵy «Ashyq» NQA saıtynda jarııalandy, dep habarlaıdy QazAqparat tilshisi.

«Qostanaı oblysy Fedorov aýdany Kostrıakov aýyldyq okrýginiń Zapasnoe aýyly aýmaǵynda iri qara maldan qarasannyń anyqtalýyna baılanysty karantın belgilensin. Sheshimniń oryndalýyn baqylaýdy ózime qaldyramyn», - delingen ashyq talqyǵa shyǵarylǵan qujatta.

Sheshim alǵashqy resmı jarııalanǵan kúninen bastap qoldanysqa engiziledi.

Aıta keteıik, Kostrıakov aýyldyq okrýginiń quramyna 4 eldi meken kiredi. Aýyldardaǵy halyq sany 1505 adam. Sondaı-aq okrýg aýmaǵynda egin jáne mal sharýashylyǵymen aınalysatyn 22 qojalyq bar.