Qostanaı oblysyndaǵy 500 aýyldyń elektr jelisi tozyp ketken
Qostanaı ınjenerlik-ekonomıkalyq ýnıversıtetiniń konferents-zalynda ótken beınebaılanysqa Qostanaı oblysy ákiminiń orynbasary Vıktor Ionenko, Qostanaı oblysy ákimdigi energetıka jáne TKSh basqarmasynyń basshysy Dáýren Asqarov qatysty. Jıynnyń basty taqyryby – aýyldardaǵy elektr energetıkasynyń jaı-kúıi.
«Aýyl» partııasynyń Qostanaı oblystyq Saıası keńesi «Aýyl – El besigi» memlekettik baǵdarlamasyna aýyl energetıkasynyń problemalary boıynsha tolyqtyrýlar men usynystar ázirlep jtyr. Sebebi Qostanaı oblysynyń 500 aýylyn jalǵap turǵan 6 myń shaqyrymnan astam elektr jelileri ábden tozǵan. Olar búginde tolyqtaı aýystyrýdy qajet etedi.
«Jeliler 100% tozǵan deýge bolady. Bunyń saldarynan bilim sapasy men aýyldardaǵy turmys deńgeıi nasharlaýy tıis. Elektr energetıkasyna tikeleı áser etýi múmkin faktorlardy tizbekteýge bolady. Máseleni «Aýyl - el besigi» memlekettik baǵdarlamasy arqyly sheshýge bolady. Qazir tolyqtyrýlar men usynystar engizýge nıettimiz», - deıdi «Aýyl» HDPP tóraǵasynyń orynbasary Valentın Hadanovıch.
Al oblystaǵy elektr tartýmen aınalysatyn «EPK-forfait» JShS bas dırektory Aleksandr Reızlınniń ózindik ýáji bar.
«Qostanaı oblysynda biz qyzmet etetin 215 eldi mekenniń turǵyndarynyń sany 50-ge jetpeıdi. Tıisinshe elektr jabdyqtaý jelileriniń uzyndyǵy 2500 şaqyrymǵa deıin jetedi. Bul óndiristik emes shyǵyndarǵa jatady. Oǵan qosa elektr jelileri ábden tozýǵa aınaldy. Olardy tek aıyrbastaý qajet», - deıdi.
Jıyn qatysýshylary máseleni «Aýyl - el besigi» memlekettik baǵdarlamasy arqyly sheshýge ýaǵdalasty.
