Qostanaı oblysyndaǵy 4 mektep Uly Abaıdyń esimimen atalýy múmkin

QOSTANAI. QazAqparat – Qostanaı oblysyndaǵy 4 mektepke Abaıdyń, al 3 bilim ordasyna Álıhan Bókeıhannyń esimi berilmek. Bul týraly Úkimettiń tıisti qaýlysy ashyq talqyǵa shyǵaryldy, dep habarlaıdy QazAqparat tilshisi.

«Qostanaı qalasyndaǵy №27 mektepke, Rýdnyı qalasyndaǵy №18 mektebine, Jitiqara aýdanyndaǵy №3 mektep-lıtseıine jáne Lısakov qalasyndaǵy jalpy bilim beretin №3 mektebine Abaıdyń esimi berilsin. Al, Qostanaı qalasynyń №29 mektebi, Arqalyq qalasyndaǵy Rodına mektebi jáne Rýdnyıdaǵy №2 Qashar mektebi Álıhan Bókeıhannyń atymen atalsyn. Sonmen qatar, Rýdnyı qalalyq № 19 mektebine Ahmet Baıtursynulynyń, al №15 mektebine Mirjaqyp Dýlatulynyń esimi berilsin. Qarasý aýdanyndaǵy qazaq tilinde bilim beretin mektep Ybyraı Altynsarınnyń esimimen atalsyn. Sondaı-aq, Amangeldi aýdanyndaǵy N. Krýpskaıa atyndaǵy negizgi bilim beretin mektepke Jumataı Sabyrjanulynyń aty berilsin», - dep kórsetilgen qaýlyda.

Qosa ketsek, bul ýaqytqa deıin Pavlodar oblysyndaǵy 12 mektepke qazaqtyń belgili tarıhı tulǵalarynyń esimi beriletinin jazyp edik.