Qostanaı oblysyndaǵy 175 aýylǵa aýyz sý tartylady

QOSTANAI. QazAqparat – Oblys ákiminiń esep berý kezdesýinde halyqty sapaly aýyzsýmen qamtamasyz etý jumystary aıtyldy, dep habarlaıdy QazAqparat.

2019 jyly óńirlerdi damytý baǵdarlamasy aıasynda aýyldardy sýmen jabdyqtaýdyń 22 jobasyna 8,1 mlrd teńge baǵyttaldy. B. Maılın aýdanynyń Novoılınovka, Jitiqara aýdanynyń Zabelovka, Arqalyq qalasynyń Vostochnoe, Sarykól aýdanynyń Zlatoýst aýyldary ortalyqtandyrylǵan sýmen jabdyqtaý júıesine alǵash ret qosyldy.

«Búginde 175 aýyldy ortalyqtandyrylǵan sýmen jabdyqtaý jumystary júrgizilýde. 2020 jyly 24 aýylda jumystar tolyǵymen aıaqtalady. Bul maqsatta 7,2 mlrd teńge qarastyrylǵan. Nátıjesinde, halyqtyń ortalyqtandyrylǵan sýmen jabdyqtaýǵa qoljetimdiligi 63,4%-ke deıin ósedi», - dedi Arhımed Muhambetov.

Aýyl turǵyndarynyń ómir súrý sapasyn arttyrý maqsatynda gazdandyrý jumystary jalǵasýda. Sandarǵa shaqsaq, «QazMunaıGaz» UK arqyly 2016 jyldan bastap 40 myń adam turatyn 8 eldi meken gazdandyrylǵan. 2020 jyldyń basynda oblys turǵyndaryn gazdandyrý deńgeıi 56%-dy qurady.