Qostanaı oblysynda zymyran qaldyqtaryn qulatýǵa 76 myń gektar jer berildi
QOSTANAI. QazAqparat - Jankeldın aýdany ortalyǵynda ǵaryshtyq maqsattaǵy zymyrandy ushyrýdyń Qazaqstannyń qorshaǵan ortasyna áseri talqylandy, dep habarlaıdy kostanaytany.kz saıty.
Jankeldın aýdany aýmaǵynan zymyran qaldyqtaryn qulatý úshin 76 myń gektar jer 3 jylǵa beriletin bolyp sheshildi. Bul týraly oblysy ákimi Arhımed Muhambetovtiń qatysýymen ótken jıynda málim etildi. Basqosýda polıar mańyndaǵy orbıtaǵa ǵarysh apparattaryn shyǵarý kezinde «Baıqońyr» ǵarysh aılaǵynan «SOıÝZ-2» ǵaryshtyq maqsattaǵy zymyrandy ushyrýdyń QR qorshaǵan ortasyna áseri týraly sóz qozǵaldy. Májiliske Qorǵanys jáne aeroǵarysh ónerkásibi mınıstri Beıbit Atamqulov pen ǵaryshker Aıdyn Aıymbetov qatysty. Eske salsaq, osydan birneshe apta buryn Jankeldın aýdany turǵyndary QR Premer-Mınıstri Baqytjan Saǵyntaevtyń atyna narazylyq hat jazǵan-dy.
«Báıterek» birlesken kásipornynyń atqarýshy dırektory Erden Ibraev degen azamat Reseıdiń «Roskosmosynan» bir orysty alyp kelip, bizdiń aýdan ortalyǵy Torǵaıdan 20 shaqyrym jerdegi Shóptikól qonys ornyn «Soıýz-2» raketasynyń birinshi satysynyń qaldyqtaryn tastaıtyn alań retinde paıdalanýǵa, polıgon etýge jer suraýda. Onyń syrtynda olar taǵy da 100 gektar jer almaqshy degendi estip jatyrmyz. Bular kópten beri osy bizdiń Torǵaıdan 40600 gektar jerdi osyndaı polıgonǵa alǵan. Sol jerge raketa qaldyqtaryn tastap jatyr. Ol jer Torǵaıdan 80 shaqyrymdaı jer. Oǵan da qarsy bolǵanbyz. Biraq Torǵaı halqymen eshkim sanaspady» - delingen narazylyq hatta.
Búgingi jıynnyń qorytyndysy boıynsha, Jankeldın aýdanyna qarasty Shóptikól mekeninen Reseıdiń zymyran qaldyqtaryn qulatýǵa jer berildi. Qaldyqtar belgilengen jyldar ishinde 8 ret qulaıdy. Sondaı-aq, aýdan bıýdjetine jyl saıyn 151 mln teńge qarjy aýdarylady. Al irgesine qaldyq tastalatyn Aqkól men Qarasý aýyldaryna jedel járdem kólikteri bólinip, aýyzsý tartylady. Taıaý keleshekte sol jerdegi kópirdi jóndeýge de ýáde berilip otyr.
