Qostanaı oblysynda jyl sońyna deıin sottalǵandardyń 75% jumysqa ornalasady
QOSTANAI.QazAqparat - Qostanaı oblysynyń prokýratýrasy jyl sońyna deıin «Túrmedegi jumyspen qamtý» jobasyn engizbekshi, dep habarlaıdy QazAqparat tilshisi.
Joba boıynsha sottalǵandardyń 75%-i jumysqa ornalasady. Bul týraly búgin Qostanaı oblysynyń prokýratýrasynda ótken konsýltatıvtik keńes otyrysynda vedomstvonyń 7-shi basqarmasy bastyǵy Eldos Rahadelov aıtty.
«Biz bul bastamany jyl aıaǵyna deıin qolǵa alamyz. Joba eki baǵyt boıynsha júzege asady. Jumysqa turatyndar «Eńbek-Qostanaı» óńirlik mekemesiniń óndiristik bazasynda irikteledi. Oblysta qylmystyq atqarý júıesiniń 5 mekemesi men bir ómir boıy bas bostandyǵynan aıyrý túrmesi bar», - dedi Eldos Rahadelov.
Jazasyn óteýshilerdi jumysqa turǵyzý úshin jergilikti ákimdikter de jaǵdaı jasaıdy. Qazirge deıin 100 jazasyn óteýshi kásipke tartyldy. Olar qala kóshelerine jaryq ornatý, trotýarǵa tas tóseý, jıhaz jasaý syndy jumystardy atqarýda.
Rahadelovtiń aıtýynsha, QR Táýelsizdiginiń 25 jyldyǵy qarsańynda raqymshylyqqa ilikken jazasyn óteýshiler de jumysqa aralastyrylǵan.
«Raqymshylyqqa ilikkenderdiń qatarynda aýyr qylmys jasaǵandar bolǵan joq. Ortasha qylmysqa barǵan 6 qylmysker bosap shyqty. Al 60 adamnyń jazasy jeńildetildi», - dedi basqarma bastyǵy.
