Qostanaı oblysynda jumysshysy qaza tapqan kásiporyn basshysy sottaldy
QOSTANAI. QazAqparat - Qostanaıdyń №2 sotynda qaýipsizdik erejelerin saqtamaý saldarynan 21 jastaǵy jumysshysy qaza tapqan JShS dırektoryna úkim shyǵaryldy, dep habarlaıdy QazAqparat tilshisi.
«Dostar-09» JShS dırektory Dmıtrıı Shýdegov QR Qylmystyq kodeksiniń 156-babynyń 3-bóligi boıynsha aıypty dep tanylyp, QK 55-babynyń 3-bóligin eskere otyryp, 1 (bir) jyl merzimge bas bostyndyǵynan aıyrý jazasyna kesildi. QK 44-babynyń 1-bóligine sáıkes, probatsııalyq baqylaý ornatylady», - dep málimdedi qalalyq sot ókilderi.
Aıta keteıik, Shýdegov aıybyn moıyndaý týraly prokýrormen protsessýaldyq kelisimge kelgen bolatyn.
Eske sala keteıik, mamyr aıynda Qostanaıdyń soltústik-batysyndaǵy «ıÝbıleınyı» turǵyn úı kesheniniń janynan er adamnyń denesi tabylǵan bolatyn. 21 jastaǵy jigit jergilikti JShS-tiń jumysshysy bolǵan.
