Qostanaı oblysynda júk vagonynyń joldan shyǵyp ketýiniń saldarynan toqtatylǵan qozǵalys qalpyna keltirildi
ASTANA. Naýryzdyń 27-si. QazAqparat - Naýryzdyń 26-sy kúni saǵat 19.25-te Qostanaı jol bóliminiń Apanovka - Prıtobolskaıa aralyǵynda (180 shaqyrymnyń 7-shi pıketi) №3465 júk poıyzynyń quramyndaǵy №60648920 júk vagony joldan shyǵyp ketti.
Osynyń saldarynan poıyzdar qozǵalysy toqtatylyp, naýryzdyń 27-si kúni saǵat 03.00-de jol qozǵalysy tolyǵymen qalpyna keltirildi. Qurbandar men zardap shekkender joq, dep habarlady Kólik jáne kommýnıkatsııa mınıstrliginiń baspasóz qyzmetinen.
Oqıǵa «Qaztemirtrans» AQ jeke menshik ıeligindegi №60648920 júk vagonynyń 2-shi arbashasynyń sol jaq búıir ramasynyń synýy saldarynan bolǵan. Vagon 2008 jyly Roslav vagon jóndeıtin zaýytynda qurastyrylǵan, búıir ramasyn sol jyly «Promstroıtraktor» kásiporny (Cheboksary q.) jasaǵan.
