Qostanaı oblysynda joldy kútip ustamaǵan «Qazaqavtojol» basshysy jazalandy
QOSTANAI. QazAqparat – Respýblıkalyq mańyzy bar avtojoldardy tıisti dárejede ustamaǵany úshin «Qazaqavtojol» JShS Qostanaı oblystyq fılıalynyń dırektory jaýapqa tartyldy, dep habarlaıdy QazAqparat oblystyq Polıtsııa departamentiniń baspasóz qyzmetine silteme jasap.
Joldaǵy qaýipsizdikti jáne kólik quraldarynyń kedergisiz qozǵalysyn qamtamasyz etý maqsatynda Polıtsııa departamenti jergilikti atqarýshy organdarmen jáne «Qazaqavtojol» JShS ókilderimen birlesip, júıeli negizde avtomobıl joldaryna tekserý júrgizedi.
«Avtojoldardy tekserý barysynda «Qostanaı-Áýlıekól» respýblıkalyq tasjolynyń 42-shaqyrymynda joldyń sapasy nashar ekeni anyqtaldy. Respýblıkalyq mańyzy bar avtojoldy tıisti dárejede ustamaǵany úshin «Qazaqavtojol» JShS QOF merdigerlik uıymy QR ÁQBtK 631-baby 1-bóligi boıynsha ákimshilik jaýapkershilikke tartyldy. Seriktestik basshysy jol qozǵalysy qaýipsizdigin qamtamasyz etý talaptaryn oryndamaǵan», - delingen polıtsııanyń aqparatynda.
Aıta keteıik, «Qazaqavtojol» JShS 23,5 myń shaqyrym jalpy qoldanystaǵy avtojoldarǵa qyzmet kórsetedi jáne jol sapasyna tolyq jaýap beredi. 2020 jyldyń basynan JShS oblystyq fılıalyna qatysty 10 ákimshilik hattama toltyryldy.
