Qostanaı oblysynda jolaýshylar tasymaldaıtyn kólik jol ústinde órtenip ketti
QOSTANAI. QazAqparat – Qostanaı oblysynda «Volkswagen t4» kóligi otqa orandy, dep habarlaıdy QazAqparat oblystyq TJD baspasóz qyzmetine silteme jasap.
Oqıǵa Qashar kentindegi janar-jaǵarmaı beketi mańynda bolǵan. Jolaýshylar tasymaldaýǵa arnalǵan «Volkswagen t4» avtokóligi jol ústinde órtenip ketken.
«Órt aýqymy 4 sharshy metrdi qurady. Abyroı bolǵanda zardap shekkender joq. Aldyn ala boljam boıynsha kólik qozǵaltqyshyndaǵy symdar tuıyqtalyp, órt shyqqan. Órt sóndirýshiler kelgenshe kólik túgeldeı janyp ketti. Qazir shyǵyn kólemi eseptelýde», - delingen TJD baspasóz habarlamasynda.
