Qostanaı oblysynda jolaýshylar poıyzy traktorǵa soǵyldy
QOSTANAI. QazAqparat - «Qostanaı-Arqalyq» baǵytyndaǵy jolaýshylar poıyzy astyq tıegen K-700 traktorynyń tirkemesine soǵyldy. Tótenshe jaǵdaı Prıtobolskaıa Apanovka ótkeliniń 178-shi shaqyrymynda bolǵan, dep habarlaıdy QazAqparat.
Qostanaı magıstral júıesi bóliminiń bas ınjeneri Abzal Spanovtyń aıtýynsha, bastapqy málimetke, ótkeldiń kúzetshisi shlagbaýmdy japqanǵa K-700-diń tirkemesi temirjoldy kesip ótetin jerge shyqqan.
«Jumysynda aqaý paıda bolǵan K-700-diń tirkemesi relstiń ústinde qalyp qoıǵan. Ótkel kezekshisi nusqaýlyqqa sáıkes, dereý sharalar qabyldaý úshin Prıtobolskaıa stansasynyń kezekshisine habar bergen. Alaıda ýaqyttyń jetispeýshiliginen jáne K-700 tirkemesindegi aqaýlarǵa baılanysty júk kóligin poıyz kelgenge deıin temirjoldan alyp tastaı almaǵan. Poıyz mashınısi shuǵyl toqtaǵan, alaıda aradaǵy qashyqtyq tym qysqa bolǵandyqtan, soqqynyń aldyn alý múmkin bolmady», - dedi A. Spanov.
Mamannyń aıtýynsha, bul jaǵdaıda lokomotıvtiń mashınısi nuqsqaýlyqqa sáıkes áreket etken. Poıyz ruqsat etilgen jyldamdyqpen kele jatqan.
Oqıǵa saldarynan eshkim zardap shekpedi.
