Qostanaı oblysynda jol jóndeý kezinde arnaıy tehnıka bir jumysshyny basyp ketti
ASTANA. QazAqparat - Qostanaı oblysy Amangeldi aýdany Amangeldi kentinde jol jóndeý barysynda arnaıy tehnıka jumysshyny basyp ketti, dep habarlaıdy «QazAqparat» HAA tilshisi oblystyq ІІD baspasóz qyzmetine silteme jasap.
Oblystyq ІІD túsinik bergendeı, 6 shilde kúni Arqalyq-Amangeldi baǵytyndaǵy tas jolda jóndeý jumystaryn júrgizý barysynda 46 jastaǵy er adam qaza tapty. Bul faktige sáıkes Amangeldi AІІB polıtseıleri QR QK 277-baby 2 tarmaǵy «Taý-ken nemese qurylys jumystaryn júrgizý kezinde qaýipsizdik qaǵıdalaryn buzý» boıynsha sotqa deıingi tergeý jumystaryn júrgizýde.
47 jastaǵy arnaıy avtotehnıkanyń júrgizýshisi er adamdy basyp ketip, sonyń saldarynan jumysshy oqıǵa ornynda kóz jumǵan. Saraptama taǵaıyndaldy.
