Qostanaı oblysynda jol apatynda polıtsııa qyzmetkeri qaza tapty
QOSTANAI. QazAqparat – Qostanaı oblysynda jol-kólik oqıǵasy saldarynan tártip saqshysy kóz jumdy, dep habarlaıdy QazAqparat tilshisi polıtsııanyń baspasóz qyzmetine silteme jasap.
Qaıǵyly oqıǵa 18 jeltoqsanda Qostanaı-Áýlıekól-Surǵan avtojolynyń 84 shaqyrymynda bolǵan.
«Júk kóligi men «Aýdı» soqtyǵysyp, birneshe adam zardap shekti. Oqıǵa ornyna jedel-tergeý toby kelip jetti. «Aýdı» júrgizýshisi rólge ıe bola almaı, joldyń qarsy qozǵalys jolaǵyna shyǵyp ketken. Jol apaty saldarynan Áýlıekól aýdandyq polıtsııa bóliminiń 32 jastaǵy qyzmetkeriniń qaza bolǵany anyqtaldy. 29 jastaǵy jeńil kólik júrgizýshisi aýyr jaǵdaıda aýrýhanada jatyr», - delingen polıtsııa habarlamasynda.
Sondaı-aq, polıtseıdiń qyzmettik mindetterin atqarý kezinde kóz jumǵany belgili boldy. Ol qylmystyq is boıynsha saraptama taǵaıyndaý úshin Qostanaı qalasyna kele jatqan.
Qazir Qostanaı oblysy polıtsııa departamenti osy fakti boıynsha qyzmettik tergeý júrgizýde. Polıtsııa departamentiniń baspasóz qyzmeti kólik júrgizýshilerin jolda barynsha saq bolýǵa shaqyrady.
