Qostanaı oblysynda jol apatynan júrgizýshi áıel qaza tapty

QOSTANAI. QazAqparat – Qostanaıda jeńil jáne júk kólikteriniń soqtyǵysýy saldarynan bir áıel qaza tapty, dep habarlaıdy QazAqparat tilshisi.

Qostanaı oblysy polıtsııa departamentiniń baspasóz qyzmetiniń málimdeýinshe, jol-kólik oqıǵasy keshe keshki ýaqytta, «Qostanaı-Áýlıekól-Surǵan» kúre jolynyń 37-inshi shaqyrymynda bolǵan.

«Aısary kentine jaqyn jerde jeńil jáne júk kólikteri soqtyǵysty. Oqıǵa saldarynan «Hyundai» kóligin júrgizip kele jatqan Qostanaı qalasynyń 37 jastaǵy turǵyny alǵan jaraqatynan qaza tapty. Júk kóligin júrgizgen 32 jastaǵy er adam zardap shekken joq» dep túsindirip ótti polıtsııa departamentinen.

Anyqtalǵandaı, aldyn ala málimet boıynsha, «Hyundai» kóligin júrgizip kele jatqan áıel ony basqara almaı, joldyń qarama-qarsy betine shyǵyp ketken.

Jol apatyna sol sebep boldy. Qazirgi kezde atalǵan faktimenQK 345-baby boıynsha sot aldyndaǵy tergeý amaldary júrgizilip jatyr.

Polıtsııa departamentiniń málimetinshe, bıylǵy jyldyń eki aıynda oblysta 32 jol-kólik oqıǵasy tirkelip, saldarynan 8 adam qaıtys bolǵan jáne 35 adam jaraqat alǵan.