Qostanaı oblysynda jol apatynan 4 adam ajal qushty
QOSTANAI. QazAqparat - Naýryzym aýdanynda sońǵy eki kúnde adam shyǵynymen eki jol-kólik oqıǵasy oryn aldy.Atap aıtqanda, «GAZ-3110» markaly kólik jol tegistegishke soǵylǵan. Saldarynan 50 jastaǵy júrgizýshi men bir jolaýshy kóz jumdy. Qalǵan bes jolaýshy aýyr jaraqattar aldy.
Oblystyq ІІD aqparatyna súıensek, bul jol ýchaskesinde jóndeý jumystary júrgizilip jatqan.
Sol tas jolda sol jol tegistegishke taǵy bir jeńil kólik soqtyǵysty. 47 jastaǵy sheteldik kólik júrgizýshisi qaýipsizdik qaǵıdasyn buzyp, jol tehnıkasyn basyp ozǵan kezde onymen soqtyǵysqan. Júrgizýshi men jolaýshy oqıǵa ornynda qaza boldy. Qostanaı oblysynyń ákimi Nuráli Sádýaqasov jóndelip jatqan joldarda qaýipsizdik sharalaryn kúsheıtýge tapsyrma berdi.
