Qostanaı oblysynda jol apatynan 1 adam mert bolyp, 3 adam aýrýhanaǵa tústi

QOSTANAI. QazAqparat – Qostanaı oblysynda jol apatynan 1 adam qaza bolyp, 3 adam aýrýhanaǵa tústi, dep habarlaıdy QazAqparat Polisia.kz saıyna silteme jasap.

Ondaǵy málimetterge qaraǵanda, 20 qyrkúıek kúni saǵat 07:40-ta Qostanaı - Áýlıekól - Surǵan tasjolynda VAZ-2107 avtokóligin basqaryp kele jatqan 39 jastaǵy júrgizýshi rýlge ıe bola almaı, qarsy qozǵalys jolaǵyna shyǵyp ketken. Sonyń saldarynan 42 jastaǵy júrgizýshiniń basqarýyndaǵy Skoda avtokóligimen soqtyǵysqan.

VAZ-2107 júrgizýshisi oqıǵa ornynda kóz jumdy. Eki jolaýshy jáne Skoda kóliginiń júrgizýshisi aýrýhanaǵa jetkizildi.

Sotqa deıingi tergeý bastaldy.

Foto: t.me/POLICE_of_KZ