Qostanaı oblysynda jol apaty kezinde Reseıdiń bes azamaty aýrýhanaǵa tústi
ASTANA. QazAqparat - QR ІІM TJ komıteti Qostanaı oblysynda Ekaterınbor-Almaty tas jolynda reıstik avtobýs pen júk kóliginiń soqtyǵysýy kezinde zardap shekkenderge qatysty jańa málimet usyndy.
Qostanaı oblysynda Ekaterınbor-Almaty tas jolynda reıstik avtobýs pen júk kóliginiń soqtyǵysýy kezinde qaza bolǵandar arasynda Reseı Federatsııasynyń eki azamaty bar. Bul týraly QazAqparat tilshisine QR ІІM TJK resmı ókili Rýslan Imanqulov málimdedi.
«Qaza bolǵandar arasynda úsh Qazaqstan Respýblıkasynyń azamaty, eki RF azamaty bar, qaıtys bolǵan taǵy bir adamnyń kim ekeni anyqtalýda», - dep atap ótti ol.
«Avtobýsta 44 jolaýshy, eki júrgizýshi, júk kóliginde bir adam (júrgizýshi) bolǵan. Jol-kólik oqıǵasynan 37 adam zardap shekti, olardyń - altaýy qaza tapty (ekeýi RF azamaty, úsheýi QR azamattary, bireýiniń aty-jóni anyqtalýda). Raýrýhanaǵa 8 adam jatqyzyldy (beseýi RF azamaty, úsheýi QR azamaty). 23 adamǵa medıtsınalyq kómek kórsetildi (11-i RF azamaty, 1-ýi Tájikstan, 11-i QR azamattary)», - dedi QR ІІM Tótenshe jaǵdaılar jónindegi komıtetttiń resmı ókili Rýslan Imanqulov.
Onyń aıtýynsha, zardap shekkender Qostanaı qalasyndaǵy oblystyq aýrýhanaǵa jatqyzylǵan (3 adam RF azamaty, halderi aýyr, qalǵandarynyń jaǵdaıy birqalypty).
Qostanaı oblysynyń tótenshe jaǵdaılar jónindegi departamenti iri jol apatyna baılanysty jedel telefon jelisin iske qosty. Telefon nómiri 8 (7142) 50-36-24. Sondaı-aq, jaralanǵan adamdarǵa psıhologııalyq kómek kórsetip, qosymsha aqparat berý úshin 122 nómiri jumys istedi. Psıhologtar jumys isteýde.
Esterińizge sala keteıik, 2016 jyldyń 27 shildesinde saǵat 18.00 shamasynda Qostanaı oblysynda «Chelııabınsk-Jitiqara» tas jolynyń 391 shaqyrymynda «Iveko Magırýs» markaly kólik Qostanaıdan Reseı Federatsııasyna qaraı betteı otyryp, joldyń qarsy betine shyǵyp ketken. Sonyń saldarynan jolaýshylar tasymaldaıtyn avtobýsqa soqtyǵysqan.
