Qostanaı oblysynda joǵarǵy órt qaýpi saqtalyp otyr
QOSTANAI.QazAqparat — Qostanaı oblysynda qurǵaq aýa raıyna baılanysty ormandarda órt qaýpiniń tórtinshi sanaty engizildi, dep habarlaıdy QazAqparat.
Ystyq aýa raıy órt qaýpin arttyrady. Máselen, Qarabalyq aýdanynyń Taldy aýylynda qurǵaq shóp órtendi. Sonymen qatar, Mıhaılov orman sharýashylyǵynda aǵash qaldyqtary janǵan. Aldyn ala boljam boıynsha, 250 gektar alqap órtenip ketken. Zardap shekkender joq.
Budan bólek, ótken táýlikte orman sharýashylyǵy jáne aýyl sharýashylyǵy kásiporyndary kúshimen Qarabalyq aýdanyndaǵy 2 ýchaskede qurǵaq shóptiń, shabyndyq alqaptardyń órti joıyldy.
«Taǵy da turǵyndardyń nazaryn aýdaramyz! Óńirde joǵary órt qaýpi saqtalyp tur. Sol sebepti ormandarda ot jaǵýǵa, qoqys, qurǵaq shóp, turmystyq qaldyqtardy dalaǵa laqtyrýǵa qatań tyıym salynady» delingen TJD taratqan habarlamada.
