Qostanaı oblysynda joǵalyp ketken oqýshy 12 kúnnen soń tabyldy
QOSTANAI. QazAqparat – Іz-túzsiz joǵalyp ketken Rýdnyı qalasynda turatyn 13 jastaǵy oqýshy tabyldy. Bul týraly oblystyq Polıtsııa departamentiniń baspasóz qyzmeti málim etti, dep habarlaıdy QazAqparat.
Rýdnyı qalasynyń polıtseıleri 28 qarasha kúni iz-túzsiz joǵalyp ketken Denıs Matveevti búgin tapty. Ol Rýdnyı qalasyndaǵy jaqyn mańdaǵy ıÝbıleınyı aýylynda bolǵan. Onyń densaýlyǵy jaqsy, qazirgi ýaqytta ata-anasyna tapsyryldy.
Rýdnyı qalalyq polıtsııa basqarmasynyń málimetinshe, Denıs Matveev buǵan deıin de birneshe márte úıinen ketip qalǵan.
Aıta keteıik, balany izdestirýge jedel top qurylǵan. Eriktilermen birlesken top izdeý sharalaryn ótkizdi.
