Qostanaı oblysynda joǵalyp ketken balyqshynyń denesi sýdan shyǵaryldy
QOSTANAI. QazAqparat – Qostanaılyq qutqarýshylar sýǵa ketken balyqshynyń denesin taýyp, jaǵaǵa shyǵardy, dep habarlaıdy QazAqparat oblystyq tótenshe jaǵdaı departamentiniń baspasóz qyzmetine silteme jasap.
Qostanaı oblysy TJD Jedel-qutqarý jasaǵynyń qyzmetkerleri Jarqaıyń kólinen 1969 jylǵy balyqshynyń denesin alyp shyqty.
«Eki balyqshy 27 maýsym kúni Uzynkól aýdanyndaǵy Rechnoe kólinen 5 shaqyrym aýmaqqa shyqqan. Balyq aýlaý kezinde qaıyq ústinde ekeýi de otyrǵan. Kenet qaıyq aýdarylyp, adamdar sýǵa qulaǵan. Bir balyqshy jaǵaǵa deıin ózi júzip jetken» delingen TJD aqparatynda.
Súńgýirler balyqshynyń denesin sot-medıtsınalyq saraptama júrgizý úshin polıtsııaǵa tapsyrdy.
Aıta keteıik, balyqshyny izdeý operatsııasyna TJD jeke quramynyń 8 qyzmetkeri, 2 júzý quraly jáne 2 tehnıka jumyldyryldy.
Sýǵa shomylý maýsymy bastalǵannan beri oblystyń sý aıdyndarynda 3 balyqshy sýǵa ketip qalǵan. Sol sebepti TJD mamandary turǵyndardy balyq aýlaý kezinde barynsha saq bolýǵa shaqyrady.
