Qostanaı oblysynda joǵalǵan jasóspirim qyz eki kúnnen beri tabylmaı jatyr
Polisia.kz málimetinshe, boıjetken Valerıanovka atty aýylda turatyn. Ol 9 qyrkúıek kúni saǵat 16:00 shamasynda úıinen shyǵyp ketip, sodan beri oralmaǵan.
Anna Karpenko buǵan deıin de birneshe márte úıinen ketip qalǵan. Sondyqtan polıtsııa bóliminde arnaıy esepte tur.
Qyzdyń ata-anasy polıtsııa bólimine 10 qyrkúıekte shaǵymdanǵan. Boıjetkendi izdeýge polıtseıler ǵana emes, aýdannyń jáne Lısakov qalasynyń volonterleri de belsene atsalysyp jatyr.
Sonymen qatar izdeý jumysyna bilim bóliminiń qyzmetkerleri men jergilikti turǵyndar da tartylǵan.
Barlyǵy 150 adam Annany izdep tabýǵa jumyldyryldy.
Joǵalǵan qyzdyń belgileri: boıy - 172 sm, shashy - aqshyl sary, ıyǵyna túsedi, kózi - sur-jasyl tústi. Úıinen ketken kezde ústinde kókshil tústi shorty, sary jeıde, qyzyl krossovka bolǵan.
Jasóspirim týraly qandaı da bir málimet biletin turǵyndar 8-714-363-74-63, 8-771-898-28-38 nemese «102» nómirine habarlasa alady.
Tártip saqshylary adam joǵalǵanda birden polıtsııaǵa habarlaý kerektigin eske salady. Ásirese kámelet jasyna tolmaǵan bala habar-osharsyz ketkende tezirek polıtseılermen birge izdeýge kirisken jón.
