Qostanaı oblysynda joǵalǵan bes jasar qyzdy izdeýge tikushaq jiberildi
«Jambyl aýylynan bes jasar qyzdyń joǵalǵany týraly habarlama túsken sátten bastap jedel-izdestirý sharalary uıymdastyryldy. Qazirgi ýaqytta izdeý jumystary tikushaq arqyly júrgizilýde, - dedi Qostanaı oblysy ІІD polıtsııa basqarmasynyń bastyǵy Erlan Omarbekov Facebook jelisindegi paraqshasynda.
«Dál osy ýaqytta biz qyzdyń anasymen aýmaqty aınalyp ushyp jatyrmyz».
Vedomstvo basshysy qoǵam ókilderiniń mundaı jaǵdaılarǵa beı-jaı qaramaıtynyn atap ótti.
«Birinshi mınýttan-aq eriktiler, aýyl turǵyndary, jaı ǵana qamqor adamdar polıtseılerge kómek kórsetti. Bul úshin áke retinde barlyǵyna alǵys aıtamyn. Joǵalǵan sábı úshin bárimiz alańdaýlymyz. Ony tabý úshin bar kúshimizdi salamyz. Іzdestirý jumystarynyń barysy týraly habarlap turamyn», - dep qosty E.Omarbekov.
Buǵan deıin Jambyl aýylynan joǵalǵan bes jasar qyzdy izdeýge 24 saǵat boıy 500-den astam polıtsııa qyzmetkeri, eriktiler men múddeli azamattardyń qosylǵany buǵan deıin habarlanǵan bolatyn.
Foto: facebook.com
