Qostanaı oblysynda jeńil kólik jylqymen soqtyǵysty
QOSTANAI. 5 naýryz. QazAqparat - Qostanaı-Áýlıekól kúre jolynyń 41-shi shaqyrymynda jol kólik apaty oryn aldy. Naqtyraq aıtqanda jeńil kólik pen jylqy soqtyǵysty.
Oqıǵa 3 naýryzda, shamamen saǵat 22.30-da boldy. ІІD baspasóz qyzmetiniń basshysy Elena Kasharınanyń sózine qaraǵanda, Áýlıekól aýdanyna baǵyt alǵan«Folksvagen-Venta» markaly kóliktiń 38 jastaǵy júrgizýshisi jyldamdyqty asyryp, kenetten jolǵa shyqqan jylqymen soqtyǵysyp qalǵan.
«Kóliktiń ishinde 3 jolaýshy, sonymen qatar, 1 bala bolǵan. Úlkender mı shaıqalý dıagnozymen dene jaraqatyn aldy. Olar Qostanaı oblystyq aýrýhanasyna jetkizildi. Mańdaıynan jaraqat alǵan 7 jasar qyz ambýlatorly em qabyldaýda. Jylqy óldi», - dedi E. Kasharına.
