Qostanaı oblysynda jeńil avtokólik bulandy qaǵyp ketti
QOSTANAI. QazAqparat – Qostanaı oblysynda jeńil avtokólik jol ústine shyǵyp ketken bulanmen soqtyǵysty, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, oqıǵa Qostanaı aýdany mańyndaǵy «Qostanaı-Sarykól» tasjolynda bolǵan.
«19 qyrkúıek kúni saǵat 22:15-te aýdandyq polıtsııa bólimshesine VAZ-2108 avtokóliginiń bulan janýarymen soqtyǵysqany týraly habar kelip tústi. Oqıǵa kezinde zardap shekkender joq», - dedi vedomstvonyń baspasóz hatshysy Irına Bejenar.
Qazir osy derek boıynsha protsessýaldyq sheshim qabyldanyp jatyr.
