Qostanaı oblysynda jel mekteptiń shatyryn ushyryp áketti
QOSTANAI. QazAqparat - Qostanaı oblysynyń Qarasý aýdanynda jel mektep sportzalynyń shatyryn ushyryp áketti, dep habarlaıdy QazAqparat oblystyq TJD baspasóz qyzmetine silteme jasap.
Oqys oqıǵa týraly habar dıspetcherlik qyzmetke 22 shilde kúni túsken.
«Jambyl aýylynda kúshti jel negizgi mekteptiń sport zalynyń shatyryn ushyryp ketken. Zaqymdanǵan aýdan 270 sharshy metrdi quraıdy», - dep málimdedi TJD ókilderi.
Qurban bolǵandar joq, eshkim zardap shekpegen.
Qazir oqıǵa ornynda arnaıy komıssııa jumys istep jatyr.
foto:alau.kz
