Qostanaı oblysynda jeke úıden órt shyǵyp, eki adam ajal qushty
QOSTANAI. QazAqparat – Áýlıekól aýdanynda jeke turǵyn úı sektorynyń birinde as úıi órtenip, eki adam kóz jumdy, dep habarlaıdy QazAqparat.
Aýdandyq krızıstik jaǵdaılar bólimshesine Úshqarasý aýylynda jazǵy as úıinen órt shyqqany týraly aqparat kelip tústi. Áýeli, jıhaz ben tósek-orynǵa ot tıgen.
«Órtti jergilikti turǵyndar tańǵy saǵat 8.40-ta tolyǵymen sóndirdi. Oqıǵa ornynan 1959 jáne 1982 jyly týǵan eki adamnyń denesi tabyldy. Olardyń jergilikti seriktestikterdiń birinde jumys isteıtini anyqtaldy», - delingen oblystyq TJD baspasóz habarlamasynda.
Órttiń sebebi men kisi óliminiń mán-jaıy anyqtalýda.
