Qostanaı oblysynda jedel járdem kóligi órtenip ketti
QOSTANAI. QazAqparat - Jitiqara aýdanynda jedel járdem qyzmetiniń kóligi otqa orandy, dep habarlaıdy QazAqparat.
Tótenshe oqıǵa Jitiqara aýdanyndaǵy «Gornyı len» dámhanasynyń qasynda bolǵan.
«Jedel járdem kóliginiń qozǵaltqysh bóligi tutanǵan. Kóliktiń tóbe qaptamasy men oryndyqtary tolyǵymen janyp ketti. Oqıǵa ornyna aýdandyq №5 órt sóndirý bóliminiń qyzmetkerleri men tehnıkasy jumyldyryldy», - delingen oblystyq TJD baspasóz qyzmeti habarlamasynda.
Órt 1,5 sharshy metr aýmaqty sharpyǵan. Kólik aýdandyq ortalyq aýrýhanasynan janar-jaǵarmaı beketine bet alǵan. Zardap shekkender joq.
