Qostanaı oblysynda jazasyn óteýshi túrme qyzmetkerin soqqyǵa jyqty
QOSTANAI. QazAqparat - Arqalyq qalalyq sotynda qylmystyq-atqarý júıesi mekemesiniń qyzmetkerin qasaqana urǵan sottalýshyǵa qatysty is qaraldy, dep habarlaıdy QazAqparat oblystyq sottyń baspasóz qyzmetine silteme jasap.
Oblystyq sotta habarlaǵandaı, sottalýshy aýyr qylmys jasaǵany úshin jazasyn óteýde.
«Ol serýenge shyǵý ýaqyty kezinde óz erkimen ÝK 161/12 mekemesindegi kıim saqtaıtyn orynǵa kirip ketken. Sottalýshy osy áreketi úshin túrmedegi aǵa baqylaýshydan eskertý aldy. Alaıda, mekeme tártbimen kelispegen sottalýshy óz mindetin atqarǵan aǵa baqylaýshyny basynan soqty», -delingen oblystyq sottyń habarlamasynda.
Sottalýshy bul áreketi úshin aıypty dep tanylyp, QR QK 429-baby, 2-tarmaǵy boıynsha 6 jyl bas bostandyǵynan aıyryldy. Sondaı-aq, QR QK 60-baby, 1,4 tarmaqtarynda kórsetilgen erejelerge sáıkes, jazanyń ótelmegen bóligin ishinara qosý arqyly Atyraý qalasy № 2 sotynyń úkimimen oǵan 8 jyl bas bostandyǵynan aıyrý jazasy taǵaıyndaldy.
