Qostanaı oblysynda jarylǵysh zat qoıylǵany týraly bir kúnde úsh jalǵan aqparat tústi
QOSTANAI. QazAqparat - Qostanaı oblysynda bomba qoıyldy degen úsh jalǵan habarlama tirkeldi, dep habarlady «QazAqparat» HAA tilshisi.
«12 sáýirde 1 kúnde polıtsııaǵa Qostanaı, Rýdnyı jáne Qusmuryn kentiniń turǵyndarynan qaýiptilik týraly úsh jalǵan aqparat kelip tústi», - dep habarlady óńirdiń ІІD baspasóz qyzmetinen.
«Qylmyskerler zańda jalǵan shaqyrtý úshin 6 jylǵa deıin bas bostandyǵynan aıyrý, iri aıyppul tóleý sııaqty jaýapkershilik bar ekenin bilmeıtin sııaqty sııaqty».
15 sáýirde Rýdnyń ІІB-ǵa túnde jergilikti turǵynnan habarlama tústi. Ol sot ǵımaratyn jaryp jiberetinin aıtqan. Oqıǵa ornyna polıtsııa qyzmetkerleri, qutqarýshylar, «jedel járdem» dárigerleri jetti. Tekserý barysynda jarylǵysh zat tabylmady. Sol kúni kúdikti ustaldy. Ol Qashar kentiniń 47 jastaǵy turǵyny bolyp yqty jáne ol qońyraý shalǵan kezde mas bolǵan. Polıtsııaǵa óz uıaly telefonynan habarlasqan.
Sol kúni Qostanaıda taǵy osyndaı qylmys tirkeldi, kezekshi bólimge mas adam habarlasyp, onyń páterinde jarylǵysh zat bar ekenin aıtqan. Úıine jetken polıtsıa qyzmetkerleri qaýipti eshteńe tappady.
12 sáýir keshke Qostanaı ІІB-ǵa Qusmuryn kentinde jarylys boldy dep habarlaǵan. Tekserý barysynda kenttiń 61 jastaǵy turǵyny ustaldy. Habarlama rastalmady.
Bıyl Qostanaı oblystyq ІІD QR QK 273-baby boıynsha 5 qylmys tirkedi. Ótken jyly - 17. Barlyqtaryna aıyptaý úkimderi shyǵaryldy.
