Qostanaı oblysynda jalǵan monıtorıng toptary paıda boldy

QOSTANAI. QazAqparat – Jalǵan monıtorıng toptary nysandardy aralap, kásipkerlerdi qorqytyp jatyr. Olar kásipkerlerden zań buzýshylyqtarǵa kózin jumǵany úshin syıaqy talap etýde, dep habarlaıdy QazAqparat tilshisi óńirlik Kásipkerler palatasynyń baspasóz qyzmetine silteme jasap.

Mundaı jaǵdaılar týraly bıznesmender áleýmettik jelirge jazyp, Qostanaı oblysynyń kásipkerler palatasyna habarlaǵan.

«Barlyq reıdterdiń mindetti túrde infokazakhstan.kz saıtyna tirkelip, onda aldyn ala monıtorıng tobynyń quramy men tekseris josparlanǵan nysan týraly jazylatynyn taǵy da eske salamyz. Tekseristiń zańdy-zańsyz ekenin kásipker óz betinshe teksere alady. Ol úshin aktide kórsetilgen QR kodty skanerleý kerek», - dedi Qostanaı oblysy Kásipkerler palatasynyń bólim bastyǵy Robert ıÝsýpov.

Eske sala keteıik, bul talaptar monıtorıng toptarynyń algorıtminde 1 shildeden bastap paıda boldy.

Endi ár toptyń jumysyn infokazakhstan.kz platformasy arqyly baqylaýǵa bolady. Onda josparlanǵan tekserister men olardyń nátıjeleri týraly málimetter jazylyp otyrady. Olardyń negizinde óńirler boıynsha kúndelikti statıstıka men anyqtalǵan zań buzýshylyq túrleriniń erkin kestesi qurylyp otyrady.

Odan bólek, tekserýshilerdiń jumysyna Qostanaı oblysy kásipkerleriniń quqyǵyn qorǵaý jónindegi mobıldi topqa myna nómirler boıynsha shaǵymdanýǵa bolady: 8-705-153-91-07, 8-777- 580-03-99, 8-7142-394-208, [phone], [phone], + 7 (775) 265 5 5 51.

Avtory Janna Musabaeva