Qostanaı oblysynda jalǵan dollar saýdasymen aınalysqan qylmystyq top anyqtaldy

QOSTANAI. QazAqparat – Qarjylyq monıtorıng agenttiginiń Qostanaı oblysy boıynsha departamenti respýblıka aýmaǵyna joǵary sapaly jalǵan AQSh dollaryn kirgizý jáne taratýdy júzege asyrǵan qylmystyq top qyzmetiniń jolyn kesti. Bul týraly QazAqparat vedomstvonyń baspasóz qyzmetine silteme jasap habarlaıdy.

«Jedel-izdestirý jáne tergeý is-sharalaryn júrgizý barysynda Túrkııa Respýblıkasynyń astanasynan elimizge jalǵan shetel valıýtasyn jetkizýdiń barlyq tizbegi anyqtaldy. Tergeý soty Qazaqstan Respýblıkasynyń 3 azamatyna qatysty qamaýda ustaý túrindegi bultartpaý sharasyna sanktsııa berdi. Túrkııa Respýblıkasynyń Quqyq qorǵaý organdary jalǵan valıýta jetkizýdiń qylmystyq arnalarynyń jolyn kesý boıynsha birlesken jumys júrgizýge jumyldyrylǵan. Elimizge ákelingen 30 000 jalǵan AQSh dollarynyń 28 600-i sotqa deıingi tergeý barysynda anyqtaldy jáne tárkilendi», - delingen resmı habarlamada.

QMA Qazaqstan Respýblıkasynyń azamattaryn, sondaı-aq el qonaqtaryn aqsha aıyrbastaý operatsııalary kezinde qyraǵylyq tanytý qajettigi jáne valıýtany tek bankterdiń mamandandyrylǵan pýnkteri men bólimshelerinde ǵana júzege asyrý kerek ekeni týraly eskertedi.

Vıdeodan alynǵan kadr