Qostanaı oblysynda jalǵan 100 dollarlyq kýpıýralardy satýmen aınalysqan top ustaldy

ASTANA. QazAqparat – QR Qarjylyq monıtorıng agenttiginiń Qostanaı oblysy boıynsha departamentiniń qyzmetkerleri jedel-izdestirý is-sharalary barysynda jalǵan 100 dollarlyq kýpıýralardy satýmen aınalysqan bir top tulǵalardy anyqtady.

Oblys aýmaǵynda jalǵan valıýtany kezekti ret satýǵa árekettengen qylmyskerler Rýdnyı qalasynda ustaldy, dep habarlaıdy QazAqparat QR Qarjylyq monıtorıng agenttiginiń baspasóz qyzmetine silteme jasap.

Ustaý kezinde olarda jalǵan shetel valıýtasy bar ekeni anyqtaldy.

Qylmysqa qatysýshylardyń biriniń turǵylyqty jerin tintý barysynda iri kólemdegi jalǵan aqsha tabyldy.

Tárkilengen jalǵan qarajattyń jalpy somasy 28 100 AQSh dollarynan asty.

«Zań buzýshylar ustaldy, tergeý múddesine qatysty basqa aqparat jarııalanbaıdy»,-delingen habarlamada.

Kadr ız vıdeo/t.me/afm_rk