Qostanaı oblysynda zeınetkerdiń úıine qaraqshylyq shabýyl jasaǵan eki jergilikti turǵyn qolǵa tústi
ASTANA. 25 qańtar. QazAqparat /Aıdar Ospanalıev/ - Qostanaı oblysynda zeınetkerdiń úıine qaraqshylyq shabýyl jasaǵan 29 jáne 34 jastaǵy eki jergilikti turǵyn qolǵa tústi. Bul týraly búgin jýrnalıstermen bolǵan brıfıngte Іshki ister mınıstrilginiń resmı ókili Nurdildá Oraz málim etti.
Onyń atap ótýinshe, Qostanaı oblysyndaǵy Áýlıekól aýdanynyń ıÝlevka aýylynda, qańtar aıynyń ortasynda, óz úıinen zorlyq-zombylyq belgileri bar 87 jastaǵy qarttyń máıiti tabylǵan. Keıinirek málim bolǵanyndaı, araqqa sylqııa toıyp alǵan eki azamat mert bolǵan qarttyń úıine kelip, aqsha talap etken. Talaptaryna moıynsunbaǵan keıýanany qaraqshylar kereýetke baılap qoıyp, uryp-soqqan.
«Budan soń, úıden aqsha izdep taba almaǵan olar, zeınetkerdi baılaýly kúıde qaldyryp, izderin sýytqan. Zeınetkerdiń máıitin aldymen onyń úıine kezdeısoq kelgen kórshisi taýyp alyp, polıtsııaǵa habar bergen. Osy áreket boıynsha ustalǵan 2 azamat ýaqytsha ustaý abaqtysyna qamaldy. Olardyń ústinen, sońy ólimge alyp kelgen, dene jaraqatyn saldy jáne qaraqshylyq shabýyl jasady degen faktiler boıynsha qylmystyq is qozǵaldy»,-dedi resmı ókil.
