Qostanaı oblysynda zeınetker óz ulyn balǵamen uryp óltirdi
QOSTANAI. QazAqparat - Jitiqara qalasynda otbasylyq janjaldan soń zeınetker óz ulyn balǵamen uryp mert qyldy, dep habarlaıdy QazAqparat tilshisi.
Aqparatty oblystyq ІІD baspasóz qyzmeti rastady.
«Otbasylyq urys-keristen soń 45 jastaǵy er adam 76 jastaǵy anasyn tabamen birneshe ret urǵan. Munan soń ol 77 jastaǵy ákesine zábir kórsetedi. Týǵan balasynyń qorlyǵyna shydamaǵan ákesi balǵamen ulynyń basyna birneshe soqqy jumsady. Aýyr dene jaraqaty saldarynan uly oqıǵa ornynda kóz jumdy», -dep habarlady oblystyq ІІD baspasóz hatshysy Irına Bejenar.
Atalǵan fakt boıynsha QR QK 102-babymen sotqa deıingi tergeý sharalary júrgizilip jatyr.
