Qostanaı oblysynda zańsyz dinı uıym anyqtaldy

QOSTANAI. QazAqparat - Qostanaı oblysynyń polıtsııa departamenti Rýdnyı qalasynda «Farhat-ata» ádisi boıynsha emdeýmen aınalysatyn tyıym salynǵan «Allıa aıat» birlestiginiń qyzmetin anyqtady, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Rýdnyı qalasynyń eki turǵyny atalǵan aǵymdy uıymdastyrǵany úshin ákimshilik jaýapkershilikke tartyldy. Olarǵa 50 AEK kóleminde aıyppul salyndy.

«Rýdnyı qalasynyń soty zańsyz dinı uıymnyń taǵy bir ókilin (adept) QR aýmaǵynda taratýǵa jáne ákelýge tyıym salynǵan ekstremıstik ádebıetterdi zańsyz saqtaǵany úshin 70 AEK (170 myń teńgeden astam) kóleminde aıyppul túrinde ákimshilik jaýapkershilikke tartty», - delingen vedomstvonyń baspasóz habarlamasynda.

Poltsııa departamentinde atap ótilgendeı, Nur-Sultan jáne Almaty qalalarynyń sotymen «Alla-Aıat» dep atalatyn F. M. Abdýllaevtyń (Farhat-ata) qyzmeti Qazaqstan halqynyń densaýlyǵyna jáne memlekettiń qaýipsizdigine nuqsan keltiredi dep tanyldy. Bul uıymnyń qyzmetine respýblıka aýmaǵynda tyıym salynady.