Qostanaı oblysynda volonterler sýdan qutqarý tásilderin úırendi

QOSTANAI. QazAqparat – Qostanaı oblysynda Qyzyl aı volonterleri men jasulandyqtardy sýdan qutqarý tásilderine úıretti, dep habarlaıdy QazAqparat tilshisi.

Jedel-qutqarý jasaǵy men Apattar medıtsına ortalyǵy (AMO) qyzmetkerleri Tobyl ózeni jaǵajaıynda sýdaǵy oqys oqıǵalardyń aldyn alý maqsatynda úıretý sabaǵyn júrgizdi. Sabaqtyń maqsaty – sýdaǵy tótenshe jaǵdaı kezinde kómek kórsetýdiń túrli ádisterin kórsetý men meńgertý.

Eriktilerdiń tájirıbe júzinde manekende jan saqtaý sharalaryn – jasandy dem alý jáne júrekti tikeleı emes ýqalaýdy júrgizýge múmkindigi boldy.

«Tájirıbelik jumystar qutqarý jáne zardap shekken adamnyń ózin-ózi qutqarý ádisterin qosty. Taza aýada jandy formatta ótken sabaq aqparatty qoljetimdi jáne qyzyqty etti. Eriktiler men erikti uıymdardyń ókilderi meńgergen bilim men tájirıbelerin ıgi isti jalǵastyrýda qoldanbaq», - dep qosty TJD.