Qostanaı oblysynda úı órtenip, er adam kóz jumdy
QOSTANAI. QazAqparat - Qostanaı aýdanynyń Sadovoe aýylynda turǵyn úı órtenip, er adam kóz jumdy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Oqys oqıǵa 30 qazan kúni tańǵy saǵat 5:00-de bolǵan. Sadovoe aýylyndaǵy Stroıtelnaıa kóshesiniń boıyndaǵy úılerdiń birinde órt shyqqan.
«Aldymen, úıdiń tóbe jabyndysyna shoq tıgen. Órt aýmaǵy 80 sharshy metrdi qurady. Órtten 1956 jyly týǵan er adam mert boldy. Qyzyl jalyndy aýyzdyqtaýǵa jeke quramdaǵy 12 adam men 3 arnaıy tehnıka jumyldyrylǵan», - dedi vedomstvonyń baspasóz hatshysy.
Órttiń shyǵý sebepteri anyqtalýda. Tilsiz jaý 6:30-da sóndirildi.
